مفتي نابلس ينهى عن تناول "strepsils"وصيدلاني يفنّد رواية شوباش
يا مفتي نابلس الموقر ، اتركت كل قضايا
الامة المهمة وخليتها على الستربسلز .. طيب (حللتها) يا شيخ ؟
بيت لحم-
خاص معا - نهى مفتي نابلس أحمد شوباش عن تناول الحبوب الملطفة لآلام الحلق strepsils" لاحتوائها على نسبة معينة من الكحول.
واضاف شوباش لـ
"معا " لا يجوز استخدامه الا للمضطر وبوصفة طبية لانه يحتوي نسبة كحول, ولا
يجوز تناوله لترطيب الفم, بل تناوله لعلاج الالتهاب ويكون ضمن وصفة طبية ".
وسالناه كيف عرف
ان الحبوب سالفة الذكر فيها كحول . قال ان احد الشبان ممن تناول الحبوب قد اخبره بذلك,
فضلا عن ان العبوة مكتوب عليها ان فيها نسبة كحول ".
وللوقوف على الحقائق
العلمية حول تركيبة Strepsils توجهت "معا" بالسؤال إلى الصيدلي
خالد من بيت لحم والذي يعمل في هذا المجال منذ أكثر من 25 عاما، فأوضح أن الكحول الموجودة
في الأقراص عبارة عن مادة مطهرة تعرف باسم داي كلورو بنزيل الكحول وهو يختلف تماما
عن الكحول المسكرة أو ما يعرف كيميائيا باسم الكحول الإيثيلي.
قالولكم عن الجهاد ما عجبكم
ردحذفقالولكم عن الحجاب ما عجبكم
قالولكم عن الدخان ما عجبكم
قالوا يتسلوا بالستربسل والهولز وهيكم إنتبهتوا وبرضوا ما عجبكم
وانا بالنسبة إلي إذا بقيسها رح أقيسها على جوزة الطيب من ناحية ومن ناحية تانية في من كلامك صواب بس برضو لا تنسى على فرض شيوخ الأمه وعلى رأسهم الأزهر إعتنوا بأمور الأمة الطارئة .. هاي الأمور مين بدو يعالجها؟؟
وآخر نقطة إنو في ناس جد وحتى لغايات علاجية بهمها إنو ما يدخل جسمها أي نسبة من الكحول
يا ستي بدل ما مشتيخنا العظماء و الي جزء كبير منهم سبب تخلف امة العرب الى اسفل السافلين ، يلتهوا بالستريبسلز و الملبس و الحكي المهم ..
حذفيهتموا بسفاسف الامور متل الي بيفتوا بقتل الناس بالشوارع ... وتكفير العالم على الطالعة و النازلة ...
وحتى لو قسناها على جوزة الطيب ... والكراه و التحريم و مش عارف شو ... بتظنيش انو في امور اهم يحكي فيها بتمس حياتنا اليومية ...
مثل الزواج الطلاق و المعاملات المالية و البيع ةالشراع بشكل صح .. لانها الدنية تغيرت و لازم الشيوخ يغيروا مسار فضل الاغتسال وقص الاظافر ...
و الاهم من هاد كلو انو العالم بيضحض رواية الشيخ بشكل تام .. \
يعني فتوة الشيخ العظيم افضل من المختبرات و الكيمياء والعلم ..
لما احنا نبطل خرفان كعرب ... و نتحرر من هاي القيود العبيط وقتها رح نرتقي فقط ..
المهم كحوووووووووووووول! ما دخلني
ردحذفطبق بدون مناقشات و إلا تأثم!
لا تسأل لا تناقش لا تفكر
كل ذلك علينا
ييعني يا هيثم كيف ما اناقش .. هذا المنتوج شارية من جنب الحرم المكي مش بعيد عنو امتار من محل قريب ... بعدين العلم بقلك الكحول انواع ؟؟؟
حذفواكملك .. دواء القحة الي بتشربوه انتا او ابنك الصغير في مادة الكودائيين وهي من مشتقات الكوكايين المخدر ... ومش حرام طالما لاستعمال طبي ...
يعني هل معقول اكون مثل النعجة ما اناقش ...
بعدين في اجتهادات في الموضوع ....
والاهم ... ما الي عقل اشغلوا وما في علم و مختبرات وتحاليل و كيمياء ... والا كل العالم غلط و العلم الي تعلمناه كذبة و حكي المشايخ صح ؟؟؟ مش منطق يا اخوان ...