الجمعة، 31 ديسمبر، 2010

Happy New Year 2011 ...I really hope so !?


Happy New Year 2011 ...I really hope so !?



تحت شعار فش حدا احسن من حدا و من باب التقليد الاعمى ... وعلشان خربانة خربان و هيثم اخرني من اني انزل اكم من مقالة عن اكم فلم بدهم شرشحة فبدي اتحفكم بخبابيص السنوية من يوم وطالع ....
و نبدأ على بركة الله ... واسف على صراحتي الزائده ...من هلأ نبدأ ...

السؤال الأول: ما هي اهم الأحداث التي طرأت على الصعيد المهني - التعليمي لهذا العام؟

على الصعيد المهني اخذت خبرين منيح وعاطل ... منيح اني اخذات ترقية في العملو ممكن يجيني زيادة راتب ... والسيئ انو رح اضل في مكان عملي خارج مدينتي حتى ياتي الفرج القريب من الله ... لانو مسؤولنا اعلن انه لا تنقلات ... فاكلناها و كان الي كان ... بس الحمد لله ... اني وصلت لهون وقلت يا رب العون.

السؤال الثاني: ما هي أهم إن الإنجازات على الصعيد الشخصي و الأسري؟

على المستوى الشخصي مش كثير... الحمد لله ... متزوج و عندي بنتي وفاء مشاكسة لكن تملى على الواحد الدنيا وبتخفف الهم ... لكن ليس سوى زيادة الهوه بين افراد العائلة او اسرتي الحبيبة و المتفككة اصلاً مش امي وابوي و اخوتي لا سمح الله ... يعني اعمام اخوال واولادهم ونسايبهم و الخ .... فلان بيحكيش مع فلان ولا هاد بيسلم على هاد و مقاطعات من سنوات و هكذا... والسبب الي بيرد على الحريم الله لا يقيموا ... اسف يا صبايا... يعني علاقات عائلية اقل من او تساوي صفر؟!

السؤال الثالث:ما تقييمك العام لسنة 2010؟

على المستوى السياسي الفلسطيني من اسواء ما يكون من انسداد الافق السياسي و استمرار الانقسام الفلسطيني - الفلسطيني المغامرات الدموية هون وهناك ... و الناس لسا بتلعب من تحت لتحت ليبقى الوضع على حالة ان لم يكن اسواء ...
و غير الوضع الفلسطيني ... السودان تنين و اليمن كذلك ... العراق عينكم بالناظر .... لبنان فوضى ... تونس ... وازمات مقيتة ...
وسنة 2010 بششكل عام كانت تكرار سيئ للعام الي قبلوا العالم في انحدار ...

السؤال الرابع: أهم طموحاتك و أهدافك للسنة الجديدة 2011؟؟

على الصعيد الشخصي تفركشت كتير من مشاريعي للاسف و هلا انا مضطر اني اركز على اهم مشروع في حياتي و هو الاصعب نظراً للظروف التي تعصف بالمنطقة و هي البحث الحثيث عن بيت العمر ... و تدبير الدفعة الاولى هي اصعب اشي وعلى سلم اولوياتي ...

رح احاول اغير كتير من نفسي و اكون في الشغل قاسي و مبرحمش حدا خاصة من الي بيستحق هاد الكلام ... مين ما كام مرؤوس و الا زميل و الا واحد وقع تحت سناني ... لانو ما حدا بيرحم حدا (يمكن غلط بس هاد الي بيصير عندي).
وبيتي اعطيه اهتمام اكبر خاصة بنتي المشاكسة وفاء ...

انا اسف اذا طولت الا سكرتها بوجهم ... ولكن على الارض ما يستحق الحياة ...


الأحد، 26 ديسمبر، 2010

مواقف محرجة ... وتتكرر ... و تتكرر



مواقف محرجة ... وتتكرر ... و تتكرر...

صدقاً تردد اني اكتب عن المواقف الي بتسبب لي حرج ... لانها كثيرة و للاسف مش عارف اتخلص منها ، لعدة اسباب من حولي و لشخصي انا ، و لطبيعة تصرفاتي فحبيت اني اشارككم اكمن من وحده من هالنهفات (بصراحة بالنسبة الي مش نهفة) الي بتصير معي و بتعيد حالها و اني اتعلم عبث ، اّفتي النسيان و مش عارف اتغلب على هاي المصيبة وبتسبب الي عشرات المواقف المحرجة و رح اشارك الشباب فيها و نبدأ على بركة الله:

1. النسيان :

محسوبكم محترف نسيان يعني بتكون الشغلة انحكت قدامي لكن اما لسرحاني او تفكيري بموضوع اخر اما بكرر السؤال او بنساها بالمرة و بحطني هالحكي بمواقف محرجة يعني اذا كنا لمة وقالولي فلان اجا ولد برد اسأل هو فتحي اجاة ولد ؟

وخود عالحكي الفاضي الي ينسمع ...

2. نسيان الوجوة و الاشخاص :

انا ذاكرتي بالوجة و الاشخاص على المدى البعيد جيدة و على المدى القريب سيئة جداً يعني يمكن اتعرف على ناس ومعارفي كتار الي مرحباً و اهلين و مش عارف شو ، لكن كثير مرات صارت معي انو واحد يلاقيني في عزاء (بعيد عنكم ) او فرح وينزل فيي مراحب و تبوييس و انا محسوبكم بلا فخر بضرب لخمة ببطل اعرف احكي او احاول اسحب لسانوا اني اعرف مين و بضل جامد معاه مش بالقصد لكن سوء تصرف مني لاني فعلا ناسيه و انا طيعتي جامد شوي او منظري بيوحي بالجلافة ، وحصلت انو كتير مرات يراجعوني الناس عن طريق اخوي او ابوي وانو فلان شافك وعملت حالي مش عارفو ؟؟؟!؟!؟!؟

هو فلان : ااااااااااااه ... ابن علنتان : ااااااااااااااه ... والله نسيت ...


3 . نسيان المواعيد :

اذا كنت متزوج فلا بد تذكر جميع المواعيد الي ترتبط ارتباطاً وثيقاً بسبب التقائكم ، حول اول نظرة واول كلمة مش عارف شو و اول محل سهرنا فيه و عيد الحب و عيد الزواج و عيد مش عارف شو ...

و مع انو مفكرتي الي على الجوال بدها تتفجر ... و بحط وراق بجيبتي او بخلي ورقة ملاحظة قياس 2 × 2 متر الا اني بنشغل و بنسى وهااااااااات على تقطيب ... الباقي عندكم ...

انا بتذكر اني واعدت واحد الاقية في قهوة و نزل الزلمة و استناني ساعتين او 3 و نسيت ... و تاني يوم بلتقي معاه بالصدفة في الطريق او السوق ... و بتذكر اني متفق معاه وهات على اعتذارات و اني والله حصل معاي شغلة نستني اني اعتذرلك عن النزلة ... لكن مرات بتروح كسر عظم ...

غير نسيان الاغراض الي بتطلبها الحكومة .... مع انها مكتوبة على الورق تخيلو ...

4. الحكي غير الواقع في محلو :

محسوبكم دج شوي ومرات بحكي كلمة عن حسن نيه ...و بتنفهم بالسياق الغلط الي انا مش قاصدوا ... يعني واحد بيقلي عن شغلة علشان نعملها مع بعض و بقول : يا زلمة فكك ... او كلمة انو عف عني (بطريقة دفشة) .. و بتنقلب زعل و المشكلة اني بكون مش قاصد اني اجرح الي قدامي ... لكن طبع غلب التتطبع ..

هاي اكم من نهفة ان شاء الله تكونوا عرفتوا شو الي بيحرجني ... وللاسف سوء تقدير مني ... او لانو بالي 24 ساعة مشغول ...

وهاذا ما لدي يا قوم ...


بتمنى اني فشيت قلبكم ...



الثلاثاء، 21 ديسمبر، 2010

مواقف محرجة ... يا هيثم ...

والله يا هيثم محسوبك لساتوا غِر بالمدونات يعني انا حديث العهد بالمدونات ... و الحمد لله لحد الان ما صار معاي موقف غريب ... للاسف يا هيثم ... ما عندي موقف محرج او غريب صار اتشارك فيه .... بس لمواقف صارت بحياتي العادية اتعدش ... بس محسزبك مطنش و عاملها كبر الدماغ ... :)

بس اذا بتحب جرب هالتورنت علشان فلم الجنة الان ...

انتا وحظك شكلو انقرض الفلم عن النت ...ونسخة السيدي الي عندي استعاروها ولا الحلال من 4 او 5 سنين و لم تعد منذ تاريخة !!!
وان هلا حالياً شغال على كتير مقالات ... وبنفس الوقت الشغل فوق راسوا للواحد ...

شو نسوي ...

شكرا لمرورك على المدونة ....


الجمعة، 17 ديسمبر، 2010

اعتذار ...

إعــتـــذار

اعتذر للجميع عن غيابي المتواصل بسبب انشغالي الشديد في العمل ...

كما انني اعتذر عن جميع التعليقات او التاغ من اي شخص لم ارد عليه وعدم نشر اي مواضيع جديده وجاري العمل حاليً على عده مواضيع تخص عدد من الافلام شاكراص جميع المتابعين للمدونة سواء اعابرين لها او حتى من المتابعين المخلصين ...

شاكرا للجميع تواصلهم معي ...

مع تحياتي للجميع ...

احــمـــــد
مدونة اخر الطريق