الثلاثاء، 1 مايو، 2012

عيد العمال العالمي.. عمّال على بطّال

الاول من ايار من كل عام عيد العمال العالمي ... أول اشي تحية الى كل الطبقات الكادحة و لكل من يكافح ليحصل على قوت يومة ... 


من الفتاح العليم وهم مقرعين راسنا راسنا بالموجة الموحدة على جميع محافظات الوطن من نابلس لجنين و حتى لغزة  بعيد العمال وكيف الواحد فيهم خايف على مصلحة العامل وهذا الي بيشكي وهاد الي ببكي وهاد الي بيلوم ...


وكمان التركيز على الحد الادنى من الاجور الي هو 1500 شيكل (تقريباً 290 دينار اردني) والي يادوب يكفوا رب الاسرة 5 ايام بها الغلا الفاحش ... وانا مش ضد انهم يحكو عن العمال وحقهم بالعكس تمام ...


بصراحة الواحد بيكتشف انو المشكلة مركبة من اكثر من جهه ...


يعني فعلا العامل الله يعينو شو هالاجرة الي هي 50 او 100 او حتى 120 شيكل باليوم شو بدها تكفي مصاريف؟


...و رب العمل وعلى وضع الضفة الغربية الحالي و التعيس كيف بدو يعطي اجار عالية و الورشات او المعامل او المحلات مش ملحقة ضرايب مصاريف تأمين  عمال اجارات بالعلالي ...


قانون العمل الفلسطيني لو طبق بحذافيروا رح تسكر كتير مصانع وورش والي هي اصلا بتتراجع ...


حاسس انو الناس رح تقطع بعض ...
بجد ...
... مشاكل عويصة و مش سهل الحكي فيها ...


الناس من وين تلاقيها ... اسمع حال الناس تشوف العجب ...
هاد الي بيلوم الوزير ... والي بينزل في السلطة والي بيسب على نقابة العمال ... والي مش عارف شو يقول ...


بجد كل عام وإنتي بيخير يا بلد ... انتي وعمالك ....