الأربعاء، 23 أكتوبر، 2013

التطرف العربي ..


نحن العرب عجب العجاب كل شيء فينا عريب عجيب و كل شيئ فينا متطرف اذا الواحد تدين اصبح انسان صعب وفظ و دفش وما بتعرف تحكي حكي معاه وكل الي قدامو كفار .

و اذا واحد كفر بيصير يتفنن بالتكفير و السب والتطاول على الذات الإلهية بطريقه بشعه .

اذا و حده تحجبت بتعجب على حالها خيمة وخمار وكفوف و بتنغلق على حالها و بتبطل تعرف تحكي حكي معها و كل البنات عندها عاهرات..

اذا وحده فرعت عندنا بتبشع و بتخبص و لبس بتبطل تلبس ...

اذا اجانا حاكم بنصل ننافق الو ليصير رب يمشي على الارض و بنصدق انو اله و يا ويل الي يجيب سيرتو...

اذا واحد نسي يحلق يومين و لبس دشداشة هاد شيخ لازم نصدقو حتى لو ساقط صف ثالث و افتى بالذرة ...

اذا واحد حكى كلمة حق او انتقد البلد لو كان متعلم و مثقف هاد حقير و مدسوس من الموساد وبدو يخرب البلد...

احنا كل اشي عندنا عجب في اسرائيل بنخاف نكب ورقة على الأرض. . لكن شوارعنا مزابل ...

بنخرب ممتلكاتنا العامة و بنتفنن نؤذي حالنا ...
بنعرف نخرب لكن ما بنعرف نبني. ..
بالحكي شاطرين ...

بالشغل نؤل الى صفر ....

الوحده بتصرف على العرافين والدجالين كل ما تملك علشان تزوج بنتها ... لكن تدفع شيكل لله لا..
بتثق انو جارتها عاملة عمل الها و بتروح الشيوخ تكشف حالها و عورتها ... لكن لا تمسك كتاب تفهم انو هتد دجل و خرافات

بتصدق انها محسوده علشان بناتها ما يتزوجوش ... ولا تصدق ان لكل شيئ سببا ... و بتحط دهبها حجابات و حكي فاضي ...

امجاد يا عرب امجاد .... و الباقي لسا كثير