فيضان المعلومات ... مش ملحق... بعدين؟

فيضان المعلومات ... مش ملحق... بعدين؟

Too much info!

over capacity!

يوم الجمعة .. اليوم الذي صار الحكام يخشوه ...

.. اليوم سيل كبير من المعلومات اثناء متابعتي اخبار الدول العربية التي اجتاحتها المظاهرات لم استطع حتى اني اتجاوب معها بشكل جيد ودخلت انا شخصياً في حالة الارتباك ...

حتى موقع تويتر اعطى اشاره على التحميل الكبير على المقاسم التابعة اله و اعطى رسالة اول مرة بشوفها – بالنسبة لمتابع جديد- وهو التحميل الزائد Twitter is over capacity! .. يعني الموقع فقع اليوم من كثر الزخم والاخبار ...


اليمن ... سوريا .... ليبيا واخيراً الاردن ماتخيلت انو يصير قتل او مواجهات بهاي القسوة ... بجد أن انسم بدني على الاردن انو شو الي بيصير وانو شو الي رح يصير كمان ... وكالعادة الاعلام العربي بدون استثناءات الكليشة المعتاده والتي حفظها الناس عن ظهر قلب وهي المؤامرات الخارجية والجهات المندسة و مش عارف شو بطريق مقرفة و انو أجهزة الإعلام الرسمية قارئ على شيخ واحد وهدفها الاستخفاف بعقول الناس ... وتجميل وجة الانظمة المشوه اصلاً... كاو لا يوجد وسيلة اتصالات حديثة اليوم وكانوا القائمين لساتهم بالعام 1970 اذا مش قبل ...

الله يسترك يا اردن

مختصر الكلام انا مقضيها تويتر .. فيس بوك ... محطات اخبار ختى راديو السيارة دائما على الاخبار ... يعني اشي بدوخ الواحد محتار شو الي بيصير ... او من وين يتلقاها ...

لكن انا متفائل مع التغيير الحاصل .. الله اعلم شو النهاية وانا من كثرم ما تابعت اخبار صرت مش عارف شو اقول غير الله يسسمعنا اخبار طيبة...

بالمناسبة انا دخلت على خط تويتر جديد لساتني كتكوت يعني ... Follow Me Please


  • تويتر طرطقت معها !!!

تعليقات

  1. للاسف انتهى اليوم نهاية مأساويه في الاردن, ربنا يرحم الشهيدين و يشفى المصابين و يحمي الاردن و شعبه وقائده من كل الفاسدين و الجاهلين العتصريين و من الفتن

    جيب اي طفل من متابعه اهله للاخبار بعيد السيناريوهات المكرره للمسؤولين في كل بلد

    ربنا يصلح الحال و الاحوال

    مرحبا فيك بتويتر ...انا ضفتك لقائمه الاصدقاء عندي و بتشرف باضافتك الي :)

    ردحذف
  2. كثرو التواتره؟؟ّّ!!!


    الله يرحمنا من اللي جاي,, هيك انا بحكي

    ردحذف
  3. الله يستر بس!
    "لأ مش من فوتّك عتويتر :) ، بالعكس بيسعدنا نشوفك هناك كمان"

    :)

    ردحذف
  4. المصيبة 99% من الشعب بامكانه يفوت على الانترنت او حتى يفتح على قنوات غير رسمية و يعرف شو الحقيقة ، بس كأنه الحكومة هي الوحيدة اللي ما عندها انترنت و بتفكر الشعب كلو بحضر القناة الاولى تبعتهم و بتصدق الخرط اللي ما بمشي على طالب بالصف الاول اللي بحكوه بالمؤتمر الصحفي!

    ردحذف
  5. Whisper:
    والله احنا منتابع اخبار الاردن والدم بيغلي بعروقنا .. مش حابين يصير اي اشي للبلد يعني الي ما الو اهل الو قرايب الو ناسو الو اصحاب ... ويارب تمر الامور على خير الواحد بدو الامور تتحسن بس ليش القتل والدم؟
    بجد اشي بيرفع الضغط زي الاعلام الرسمي ...

    و اكيد يا ويسبر ...
    على التويتر اضافة و بسرعة ..

    ردحذف
  6. ام عمر :
    كترو التواتره وعلى رأي مدونة ملاقط التواترة متوترين ...

    الي جاي احسن بس لازم من مرحلة صعبة ,,,
    انا هيك احساسي ان شاء الله ما بخيب...

    ردحذف
  7. هيثم :

    لوووول ... :) حلوة هاي

    ان شاء الله يكون خير الي جاي .. او هيك الواحد بتمنى ..

    ردحذف
  8. W7l

    يا دكتور كل القائمين على الاعلام اليوم من زمن الستينات ولانو المنصب بالبلد بيصير مزمن زي الزعامات بنسوا اشي اسموا تقدم او تطوير اتحداك اذا في شخص من المسؤولين الكبار بيسمعوا بتويتر او ديلوشيس او لينكيد- ان او فيس بوك...

    وعلشان هيك الناس بتفقع لانهم معزولين عن الحقيقية بالبرج العاجي و الحراسة ...

    والباقي عندك يا دكتور
    ...

    ردحذف

إرسال تعليق

المشاركات الشائعة من هذه المدونة

النينجا القاتل : قصة منتهى الدموية ... ذو حبكة درامية ضعيفة

عيد العمال العالمي.. عمّال على بطّال

مواطن ملتزم بالقانون : عندما يؤخذ الحق عنوه !