مواقف محرجة ... وتتكرر ... و تتكرر



مواقف محرجة ... وتتكرر ... و تتكرر...

صدقاً تردد اني اكتب عن المواقف الي بتسبب لي حرج ... لانها كثيرة و للاسف مش عارف اتخلص منها ، لعدة اسباب من حولي و لشخصي انا ، و لطبيعة تصرفاتي فحبيت اني اشارككم اكمن من وحده من هالنهفات (بصراحة بالنسبة الي مش نهفة) الي بتصير معي و بتعيد حالها و اني اتعلم عبث ، اّفتي النسيان و مش عارف اتغلب على هاي المصيبة وبتسبب الي عشرات المواقف المحرجة و رح اشارك الشباب فيها و نبدأ على بركة الله:

1. النسيان :

محسوبكم محترف نسيان يعني بتكون الشغلة انحكت قدامي لكن اما لسرحاني او تفكيري بموضوع اخر اما بكرر السؤال او بنساها بالمرة و بحطني هالحكي بمواقف محرجة يعني اذا كنا لمة وقالولي فلان اجا ولد برد اسأل هو فتحي اجاة ولد ؟

وخود عالحكي الفاضي الي ينسمع ...

2. نسيان الوجوة و الاشخاص :

انا ذاكرتي بالوجة و الاشخاص على المدى البعيد جيدة و على المدى القريب سيئة جداً يعني يمكن اتعرف على ناس ومعارفي كتار الي مرحباً و اهلين و مش عارف شو ، لكن كثير مرات صارت معي انو واحد يلاقيني في عزاء (بعيد عنكم ) او فرح وينزل فيي مراحب و تبوييس و انا محسوبكم بلا فخر بضرب لخمة ببطل اعرف احكي او احاول اسحب لسانوا اني اعرف مين و بضل جامد معاه مش بالقصد لكن سوء تصرف مني لاني فعلا ناسيه و انا طيعتي جامد شوي او منظري بيوحي بالجلافة ، وحصلت انو كتير مرات يراجعوني الناس عن طريق اخوي او ابوي وانو فلان شافك وعملت حالي مش عارفو ؟؟؟!؟!؟!؟

هو فلان : ااااااااااااه ... ابن علنتان : ااااااااااااااه ... والله نسيت ...


3 . نسيان المواعيد :

اذا كنت متزوج فلا بد تذكر جميع المواعيد الي ترتبط ارتباطاً وثيقاً بسبب التقائكم ، حول اول نظرة واول كلمة مش عارف شو و اول محل سهرنا فيه و عيد الحب و عيد الزواج و عيد مش عارف شو ...

و مع انو مفكرتي الي على الجوال بدها تتفجر ... و بحط وراق بجيبتي او بخلي ورقة ملاحظة قياس 2 × 2 متر الا اني بنشغل و بنسى وهااااااااات على تقطيب ... الباقي عندكم ...

انا بتذكر اني واعدت واحد الاقية في قهوة و نزل الزلمة و استناني ساعتين او 3 و نسيت ... و تاني يوم بلتقي معاه بالصدفة في الطريق او السوق ... و بتذكر اني متفق معاه وهات على اعتذارات و اني والله حصل معاي شغلة نستني اني اعتذرلك عن النزلة ... لكن مرات بتروح كسر عظم ...

غير نسيان الاغراض الي بتطلبها الحكومة .... مع انها مكتوبة على الورق تخيلو ...

4. الحكي غير الواقع في محلو :

محسوبكم دج شوي ومرات بحكي كلمة عن حسن نيه ...و بتنفهم بالسياق الغلط الي انا مش قاصدوا ... يعني واحد بيقلي عن شغلة علشان نعملها مع بعض و بقول : يا زلمة فكك ... او كلمة انو عف عني (بطريقة دفشة) .. و بتنقلب زعل و المشكلة اني بكون مش قاصد اني اجرح الي قدامي ... لكن طبع غلب التتطبع ..

هاي اكم من نهفة ان شاء الله تكونوا عرفتوا شو الي بيحرجني ... وللاسف سوء تقدير مني ... او لانو بالي 24 ساعة مشغول ...

وهاذا ما لدي يا قوم ...


بتمنى اني فشيت قلبكم ...



تعليقات

  1. :)
    هذا إنت أبو عجقة مزبوط جوه "عقلك" :))) "مزحة"

    شكرا ً للمشاركة و فعلا ً مواقف محرجة

    بالنسبة للنسيان فأعتقد معظمنا هيك! أنا بالوجوه ممتاز بس الأسامي! يا وييييييلي

    و ياما تعرضت لمواقف "بايخة" بس تعرف شو؟ صرت من أول ثانية إذا ما اتذكرت الشخص/الاسم أسأله مباشرة! إحراج أي نعم بس أحسن ما أعمل حالي تذكرته و أنا في الحقيقة و لا داري عنه :) لأنو ببين عفكرة و هات قطبها ...

    بالنسبة للأوراق الصغيرة .. أنا كمان هيك و كمان الكتابة على اليد و مرات كثير هات إعرف شو هوه المكتوب عليها :]]]]


    *حششت على ===> "بضرب لخمة" + الصورتان معبرتان جدّ ا ً :)

    ردحذف
  2. راين:

    لوووول .. الحمد لله لقيت حدا مثلي .. بس اكيد مش قدي لما انسا ...
    اعراض زهايمر مبكر ... P;

    هيثم :

    والله انا اب, عجقة على الاصول وبالي دايما مشغول ...
    بالنسبة للمواقف المحرجة الكل معرض الها ...
    لكن صدقاً ما خطر ببالي اسأل الواحد مين انت طالماً انا متعرض للاحراج متعرض ... بس الواحد بيتعلم ... وكل واحد وبراعتة او شطارته بالتعامل ...

    اي واحد معرض للنسيان بس المهم ما توقعك بمشاكل ...

    لانو النسيان نعمة ...

    ردحذف
  3. انا مش اعراض انا زهايمر هيك رباني لووول

    ردحذف

إرسال تعليق

المشاركات الشائعة من هذه المدونة

النينجا القاتل : قصة منتهى الدموية ... ذو حبكة درامية ضعيفة

عيد العمال العالمي.. عمّال على بطّال

مواطن ملتزم بالقانون : عندما يؤخذ الحق عنوه !