الجمعة، 31 ديسمبر، 2010

Happy New Year 2011 ...I really hope so !?


Happy New Year 2011 ...I really hope so !?



تحت شعار فش حدا احسن من حدا و من باب التقليد الاعمى ... وعلشان خربانة خربان و هيثم اخرني من اني انزل اكم من مقالة عن اكم فلم بدهم شرشحة فبدي اتحفكم بخبابيص السنوية من يوم وطالع ....
و نبدأ على بركة الله ... واسف على صراحتي الزائده ...من هلأ نبدأ ...

السؤال الأول: ما هي اهم الأحداث التي طرأت على الصعيد المهني - التعليمي لهذا العام؟

على الصعيد المهني اخذت خبرين منيح وعاطل ... منيح اني اخذات ترقية في العملو ممكن يجيني زيادة راتب ... والسيئ انو رح اضل في مكان عملي خارج مدينتي حتى ياتي الفرج القريب من الله ... لانو مسؤولنا اعلن انه لا تنقلات ... فاكلناها و كان الي كان ... بس الحمد لله ... اني وصلت لهون وقلت يا رب العون.

السؤال الثاني: ما هي أهم إن الإنجازات على الصعيد الشخصي و الأسري؟

على المستوى الشخصي مش كثير... الحمد لله ... متزوج و عندي بنتي وفاء مشاكسة لكن تملى على الواحد الدنيا وبتخفف الهم ... لكن ليس سوى زيادة الهوه بين افراد العائلة او اسرتي الحبيبة و المتفككة اصلاً مش امي وابوي و اخوتي لا سمح الله ... يعني اعمام اخوال واولادهم ونسايبهم و الخ .... فلان بيحكيش مع فلان ولا هاد بيسلم على هاد و مقاطعات من سنوات و هكذا... والسبب الي بيرد على الحريم الله لا يقيموا ... اسف يا صبايا... يعني علاقات عائلية اقل من او تساوي صفر؟!

السؤال الثالث:ما تقييمك العام لسنة 2010؟

على المستوى السياسي الفلسطيني من اسواء ما يكون من انسداد الافق السياسي و استمرار الانقسام الفلسطيني - الفلسطيني المغامرات الدموية هون وهناك ... و الناس لسا بتلعب من تحت لتحت ليبقى الوضع على حالة ان لم يكن اسواء ...
و غير الوضع الفلسطيني ... السودان تنين و اليمن كذلك ... العراق عينكم بالناظر .... لبنان فوضى ... تونس ... وازمات مقيتة ...
وسنة 2010 بششكل عام كانت تكرار سيئ للعام الي قبلوا العالم في انحدار ...

السؤال الرابع: أهم طموحاتك و أهدافك للسنة الجديدة 2011؟؟

على الصعيد الشخصي تفركشت كتير من مشاريعي للاسف و هلا انا مضطر اني اركز على اهم مشروع في حياتي و هو الاصعب نظراً للظروف التي تعصف بالمنطقة و هي البحث الحثيث عن بيت العمر ... و تدبير الدفعة الاولى هي اصعب اشي وعلى سلم اولوياتي ...

رح احاول اغير كتير من نفسي و اكون في الشغل قاسي و مبرحمش حدا خاصة من الي بيستحق هاد الكلام ... مين ما كام مرؤوس و الا زميل و الا واحد وقع تحت سناني ... لانو ما حدا بيرحم حدا (يمكن غلط بس هاد الي بيصير عندي).
وبيتي اعطيه اهتمام اكبر خاصة بنتي المشاكسة وفاء ...

انا اسف اذا طولت الا سكرتها بوجهم ... ولكن على الارض ما يستحق الحياة ...


هناك 4 تعليقات:

  1. إن شاء الله 2011 تكون سنة خير على الكل
    و تبدأ بخطوات اقتناء بيت العمر

    الله يخليلكم بنتكم و يا رب يجمع شمل عائلتكم على الود

    و الله يوفقك بشغلك و ومهنتك

    كل عام و أنت لله أقرب

    ردحذف
  2. تسلم يا هيثم ...
    والله يسمع منك

    ان شاء الله تكون السنة احسن من الي سبقتها مع انو كل المؤشرات لا تؤشر الى ذلك ..

    لكن هناك امل...

    ردحذف
  3. كل عام وانت بالف خير و ان شاء الله ربنا بيسر و بتحقق كل اللي بدك اياه
    ربنا يخليلكم البنوته يا رب و يخليكم الها

    ردحذف
  4. ويسبر:

    الله يسعدك و كلك ذوق ... باذن رب العالمين رح يكون احسن وان شاء الله الي في بالو شغلة تتحقق ...

    تسلمي ... والله يخليلك حبايبك ...

    ردحذف