تاج المواقع المكررة .... رد على كيالة خانم الموقرة!




نزولا عند رغبة كيالة خانم الموقرة ... حاسس خالي بالمحكمة ... و بما اني نايط و بقيس مروتي بالشبر ... ولاني رديت اخيراً ... و كترت الواجبات علي ...فقرر اعطيكم الموقع الاكثر زيارة من قبلي (مش من بعدي)...



1- من أرسل الدعوة؟



الانسة كيالة ... كتيرة الغلبة...



2- ما هي المواقع المفضلة لديك (كِ) وتزورها باستمرار؟ ضع (ي) رابطها و ما تستفيده منها ؟



المواقع الي بزورها معظها ذا طابع اخباري او رسيم لكن هاي المواقع الي مفضلة لدي ...



موقع وكالة معاً لاخبارية : موقع فلطسني مميز على مساتوى الاخبار المحلية ... و يركز بشكل عام على اخبارنا المحلية في الضفة الغربية و غزة .. وهو مستقل و محايد بشكل عام واخبارة موضوعية ...



حالة الطقس من خلال موقع ياهو : ما شاء الله الكل بيخاف على الطقس تقولوا السما بتشتي ليل نهار عنا ... و بدهم يعرفوا سرعة الريح و مش عارف شو ....



(المقتفي) منظومة القضاء و التشريع الفلسطيني : موقع قانوني مميز .. وازورة باستمرار لسحب القوانين المعمول فيها في فلسطين السارية المفعول بحكم العمل... صدقاً ابدعت جامعة بير زيت فيه على الرغم من بعض العيوب التقنية فيه.



IMDB or The Internet Movie Database : موقع قاعدة بيانات السينما .. بما اني مهووس في الافلام الامريكية و غيرها و اخر الافلام و انجحها .. وعلشان الحق انزلها ... و اكيد احضرها و اطلع فيها العجايب...



موقع و منتديات ابو محجوب : اكيد ابو المحاجيب و سوالفة الطرمة على المنتدى الذي يرتاده الجميع ...




3- حول الواجب أيضا إلى خمسة مدونين ؟



مممم مين ... ؟ ؟!؟ستة مش خمسة يلا فش حدا احسن من حدا ...


1. لونار.


2. ام عمر.


3. ناصر .


4.ايكو سان.


5 .سفو.


6. طبزيات.

تعليقات

  1. هلا رين اجيت اعطيكي تاج ما شاء الله ... الكل سباق بفعل الخير ..

    كيف الجو عند ك؟ (;

    ردحذف
  2. لول و عفكرة سبقتك عام عمر و سمسوم لوووول

    الجو بيجنننننننننن بعمان!!!!
    و في نابلس الحبيبة كيفو الجو؟:)

    ردحذف
  3. مين إم عمر يا ناس :???:

    ردحذف
  4. رين :
    نابلس شوب بس بالليل الجو حلو ... و براد ...

    ام عمر :
    اكم ام عمر بنعرفها علشان نتبلى عليها ؟؟

    ردحذف
  5. ههههههههههههههههههههههههههههههههه
    عجبني العنوان (تاج المواقع المكررة .... رد على كيالة خانم الموقرة!) حاسه زي عناوين الكتب تاعت المسلمين في العصور الذهبية اشي بيشبه ( المستطرف في كل فن مستظرف )
    يا عمي كل العرب مهاويس بالطقس والافلام وابو محجوب بيفش الغل عن جد!
    سلامي لكل نابلس.

    ردحذف
  6. نوريت ست كيالة
    في كتب اسمها اعجب اذا سمعتي بكتاب (الساق على الساق فيما هو الفيرياق لفارس الشدياق).. لوول...

    انا بطلع على المواقع يعني لو بدي ابدى ما بنتهي فيها معظمها اخباري ... او ترفيهي ...
    قليل المواقع المميزة طبعا ابالاضافة الى اهتمامي الجديد المدونات و حسيت انو فيها ابداع ... و حتى ولو كانت على المستوى الشخصي بتلاقي انها مميزة .. و تستحق المتابعة ...
    طبعا اذا بدك كمان اضافة ... مواقع الالعاب الكترونية ... او السيارات ... او بقية مواقع الافلام و هي هوس الشباب هالايام ...

    موقع تبادل الكتب او اي اشي ثقافي او ممكن يفيد الاخرين ... رح اضيفها بشكل منفضل بموضوع لوحده ...
    لانو انا بخليش اشي من اذاي بالانترنت ..

    ردحذف
  7. انا كتير بمر من هون
    لكن ولا مرّه علقت..

    انا بعشق الافلام...فشكرا عالموقع :)

    بالنسبة للطقس فهلأ هلأ هلأ فجأه قلبت الدنيا و صار هوا و غبره و بدت تمطّر :)

    بحكي لام عمر...خلص هالاسلوب صار قديم و كشفناه
    الواجب عليكي عليكي و بأصرار...اذا انا صرت بدي استعجل بكتابته بس لاحولّك اياه :)

    ردحذف
  8. whisper:
    اهلا وسلا فيك .. صدقا انا انبسطت لما عرفت انو في ناس بتابع المدونة ...من مده
    ونورتنا ...
    لكن للاسف في الفترة الاخيرة قلت مقالاتي عن الافلام بسبب الانشغال مع انو عندي الكثير لكن المقالات بحب اراجعو صياغة ولغة حتى يكون بشكل افضل ما يكون .. وما اخيب امل القراء ... لكن باذن الله ما رح انقطع ...
    وبجد اسعدتني ... اهلا وسهلا بيك ...

    ردحذف

إرسال تعليق

المشاركات الشائعة من هذه المدونة

النينجا القاتل : قصة منتهى الدموية ... ذو حبكة درامية ضعيفة

عيد العمال العالمي.. عمّال على بطّال

مواطن ملتزم بالقانون : عندما يؤخذ الحق عنوه !