الثلاثاء، 30 يوليو، 2013

خلص بكفي هبل ...


ممكن الناس تستحي من حالها شوي و تبطل تشحد على صور ناس مقطعه و جوعانة و معضمة تاعين افريقيا ؟ بحب اخبر كل واحد فصح بيحط الصورة ولا تخرج قبل ان تكتب إلي بحبوا واكبس لايك ...

بحب اخبرك يا سخيف قد ما تكبس (لايك) ما رح تنقذوا من مجاعتوا يا تافه ... في ناس متخصصه و عندها انسانية بتخاطر بحياتها تروح على ادغال افريقيا وتعطيهم اي شيئ ليسدوا رمقهم ، تبرعلك بدينار أشرف من انك تشحد لايكات عليهم يا تافه ....  وبدل ما تضيع وقتك على زفت بوك ...

يالي بدك تحرر القدس و تنقذ افريقيا و تدخل الناس الجنه من الفيس بوك تاعك يا رخيص ...

عندك صندوق تنمية كويتي لمساعده محتاجين افريقيا ...

صندوق إغاثة القدس المحتلة اذا بدك ...

وعندك ناس بتدرس قرأن من معاهد متخصصة ... على الله بركي طلع واحد بني ادم خلصنا من هالخرافات و الناس التافهه متلك و من ابطال الكيبورد و ابطال عبط بوك ....

خلص بكفي هبل و تخبيص ...



هناك تعليقان (2):

  1. الاقربون اولى بالزكاة والصدقات...الواحد المفروض يساعد الناس المحتاجه اللي في محيطه و مجتمعه وبعديها يروح يدور على الفقراء في بلاد او قارات تانيه ...بس اغلبنا لا هيك ولا هيك ...بنريح ضميرنا بلايك وشير ... اللهم عافنا:(

    ردحذف
    الردود
    1. تسلمي على ردك يا نيسانه انا من قهري حكيت عن الهبل المنتشر على هالمواقع الي صايرة مستنقع من الجهل و الجنون والكلام الرخيص... الفكرة مش نساعد البعاد الفكرة نوقف الهبل الي بنقرؤه كل يوم على شبكات الهبل الاجتماعي ... ونعمل و نشتغل صح .. مش نشحد اكبر عدد اعجاب على صور بطريقة سيئة ومقرفه .... ابتذال لابعد حد ... وفس حدا يضبهم هاي الاشكال ...

      حذف